Poderán presentarse ás Probas de Acceso regulamentadas no capítulo II do RD 1892/2008 as persoas que reúnan calquera dos seguintes requisitos:

Os estudantes que desexen acceder en España ás ensinanzas oficiais de grao e que procedan de sistemas educativos estranxeiros non incluídos nos supostos de exención aos que se refire o artigo 20 do RD 1892/2008.
 

Os estudantes que sendo procedentes dos sistemas educativos aos que se refire o artigo 20 do RD 1892/2008 non cumpran os requisitos académicos esixidos no sistema educativo respectivo para acceder ás súas universidades, pero que acrediten estudos homologados ao título de bacharel español.
 

Os estudantes que sendo procedentes dos sistemas educativos aos que se refire o artigo 20 do RD 1892/2008 e cumpran os requisitos académicos esixidos no sistema educativo respectivo para acceder ás súas universidades desexen presentarse á fase xeral da proba de acceso.

En calquera caso, a Proba de Acceso á Universidade que deberán realizar os estudantes contemplados nas aliñas anteriores e ós que se refire a Orde EDU/473/2010, de 26 de febreiro (DOG do 3 de marzo de 2010), será a organizada pola Universidade Nacional de Educación a Distancia (UNED), que se celebrará nos centros asociados da UNED, ou nos lugares que acorde o órgano competente desta.

Aqueles que desexen realizar a PAU regulamentada pola devandita Orde EDU/473/2010, de 26 de febreiro (DOG do 3 de marzo de 2010), deberán solicitalo directamente na UNED, nos prazos e forma que se determinen ó efecto.

En calquera caso, ós estudantes deberán solicitar a homologación dos seus títulos ó título de Bacharelato español.